Sumarylur og sól !!!!!

 

Ma é sole e qualche volte troppo caldo!

 Jæja... það er komið vor .. og sólin skín og yljar okkur öllum, sem hér eru á ítalíu. Ég hef notið síðustu daga mjög mikið því þeir hafa verið svo góðir. Glampandi sólskin og heitt. Kannski ekkert allt of heitt, en svo heitt að ég var bara úti á stuttermabol eða eins á síðasta sunnudag sumarkjól og leggings í gollunni minni yfir. Það er rosalega þæglegt. Reyndar í íþróttatíma í dag, var hitinn alveg að ganga frá okkur á tímabili. Og þar sem ég fékk kennarann til að gefa mér leyfi til að hlaupa 1 !!!! hring í kringum svæðið í stað þess að spila blak.. þá hitnaði mér enn meira.. samt var ég bara á bolnum. 

Á síðasta sunnudag var yndislegur dagur. Sólin skein ekkert smá mikið og vel, þó var vindur en ekki kaldur. Og það var aðeins svalt þar sem skuggin náði. En Cristina (fóstur mamma mín) vakti mig um 12:30 já ég svaf út má segja og spurði mig hvort ég vildi koma með þeim út á eftir. Og auðvitað játti ég þvi og dreif mig framm úr .. gerði mig klára skellti mér í léttan kjól því mér leist svo vel á veðrið úti og svo voru allir tilbúnir og við fórum út. Við keyrðum upp í Monterotondo til að fara og skoða markað sem var þar. Svona í líkingu við kolaportið. Markaðu þar sem var hægt að finna ALLT má segja.. við byrjuðum reyndar á því að fá okkur hádegismat .. sem var bæði morgun og hádegismatur hjá mér. Svo byrjuðum við að labba fram hjá básunum og skoða. Ég veit ekki hve oft ég labbaði fram og til baka fram hjá hverjum bás!!!! en það var rosalega oft alla vegana hihihi... og á tímabili fékk ég svona tilfinningu að ég væri stödd á Hafnafjarðardögum í Hafnafirði og væri að labba á milli bása þar. En þetta var samt allt öðruvísi, kannski var það bara það að þarna var einn bás sem seldi alls konar hringi og hálsmeni og styttur úr beinum, hornum og tré... allt rosalega flott, krókódílar, fílar, fuglar, o.fl. svo var margt annað. Og rosalega mikið af gömlu skrani. Prisca fann hálsmeni á einum básnum sem var og er rosalega flott, en gamallt, gyllt með svörtum steini í miðjunni og rauðum littlum steini uppaf. Papá (Augustino) einmitt gaf henni hálsmenið svona í tilefni dagsins. Því að þennan dag 8. mars er konudagur hér á ítalíu þannig að það voru tveir konudagar hjá mér í ár xD.... Þarna á sama bás, sá ég hring sem ég heillaðist alveg af. Síðan löbbuðum við bara áfram fundum mömmu og fórum svo áfram og mamma fékk papá til að koma og sjá eyrnalokka sem hana langaði í haha... og svo urðu eyrnalokkarinir hennar. Papá sagði við mig að ég mætti endilega velja mér líka eitthvað sem mig langaði í. Ég hafði ekki fundið neitt, sem náði svona rosalega til mín eins og hringurinn fyrir utan að á einum básnum voru armbönd og hálsmeni úr kristal og alls ekki dýr. En á endanum snérum við við og löbbuðum að básnum þar sem hringurinn var.. Og þarna var hann ennþá ^^ beið eftir mér.. silfraður sem myndar kópranslöngu sem hlykkjar sig fram og halan aftur utan um fingurinn þegar hringurinn er komin á. Kópran horfir með opið ginið fram fyrir sig. Mjög sérstakur hringur í eigilega miðaldarstíl nokkurn veginn. En svo fór að ég fékk hann að gjöf þennan dag. ^^ 

Jæja við vorum örugglega búin að vera þarna hátt í 2 tíma að labba um og skoða.. þannig að við fórum heim Prisca og mamma fóru til ömmu hennar priscu. Mömmu hennar Cristinu. Á meðan horfði ég á Lord of the Rings á ítlölsku.. því það var til á myndbandsspólu en engu öðru þannig að það var ekkert val um texta eða tungumál, það var samt bara fínt. Ég fékk mér smá skúffuköku yfir myndinni sem ég bakaði á laugardaginn rosalega góð. Og hún kláraðist á sunnudaginn. (mamma ég gerði reyndar bara hálfa uppskrift* ) því þau eru ekki með svona ofnskúffu, ekki til að setja köku í eða þannig sko.

 

Svo bara kom að mánudegi. Sem var líkt og sunnudagurinn allur í sól og yl ^^ Reyndar var það mjög góður dagur fannst mér. Ég byrjaði auðvitað bara í skólanum.. helti óvart niður örlitlu af cappocino haha.. alls ekki mikið .. smá sletta, það fór sem betur fer ekki á nein blöð eða bækur.. en nokkrir dropar skaða engan. Svo fór ég heim með Priscu. Borðaði hádegismat og fór að ná strætó til að fara í dansskólan. Til að stikkla á stóru þá fórum við yfir æfingar sem við höfum verið að gera upp á undan farið. Og svo fórum við að gera piruetta* (snúninga) upp á táberginu.. byrjuðum bara venjulega.. svo ákváðum við að mynda hring og gera svona keðju. Það var þannig að ein byrjaði á að gera einn piruett og svo næsta og svo næsta í keðju og þegar var komið hringur hélt keðjan áfram en þá 2 piruetta og svo 3 í næsta hring og svo fram vegis eins og hver gat. Og viti menn!!!!! Ég náði nokkrum sinnum góðum 4 piruettum og svo einu sinni 5 piruettum. Það var svo gaman.... hef yfirleitt bara alltaf náð bara 2 -3 en þetta er allt að koma.. og svo er liðleikinn hjá mér orðin miklu meiri heldur en hann var.. get eiginlega farið í splitt og spígat sem dæmi án mikillar fyrir hafnar. En þarf þó auðvitað að hita upp fyrst. Við skemmtum okkur mjög vel í þessum tíma allar.. Laila kennarinn minn var heldur ekki ... það voru bara Jessica og Francesca að hjálpa okkur að muna æfingarnar en þær eru þær bestu í hópnum og Báðar eru held ég við aðstoðar kennslu í skólanum og Jessica er með kennslu hjá littlu stelpunum. En hún er 19 ára og Francesca 16 ára. mikill munur en þær eru mjög jafnar í raun í dansinum, þó er rosalegur munur líka. 

Svo hitti ég Priscu fyrir utan dansskólan þegar ég var búin en við vorum búnar að ákveða að taka smá hring um Monterotndo. Fórum að skoða í nokkrar búðir þar sem enn voru og eru útsölur þvi Prisca var að leita sér að einhverju, síðan ætluðum við að fá okkur ís. En það var lokuð ísbúðin sem við ætluðum í þannig að við löbbuðum bara í aðra rétt hjá og fengum okkur ís. Ég fékk mér kókos og jarðaberja ís sett í brauðform. Síðan gegnum við aðeins lengra um svona littlar götur sem ég hef ekki farið áður.. og þetta var svona alveg ekta ítalskt. Hellulagt með littlum hellum, þröngar götur sem bílar geta varla keyrt í gegnum og svo stutt á milli húsa. Ég gat stundum breitt út hendurnar og náð á milli veggjanna.. og svo bogagöng lítil sem við gengum í gegnum og allt. Bara svo ótrúlega ítalskt allt saman.. haha enda á Ítalíu Svo var ferðinni bara heitið heim á leið, löbbuðum á strætóstöðina en strætó varð aðeins á undan okkur þannig að við máttum hlaupa smá spotta til að ná honum ^^... Þegar heim var komið fór Prisca út með Linus (jamm Linus og Stellina)(hundurinn og kötturinn) eru hjá okkur aftur þannig að það eru 2 kettir og hundur á heimilinu. á meðan skellti mér í sturtu og lærði síðan eitthvað, skellti svo mér í tölvuna smá. Svo bara sofa.. Bouna notte.. enn og aftur 

 

Dagurinn í dag.... vaknaði og það var eitthvað skrítið en áttaði mig ekki á því starx hvað það var.. en fór framm úr og þannig.. Prisca sagði mér að hún færi ekki í skólann, enda var hún nánast alveg raddlaus. Þannig að ég fékk mér bara morgunmat eins og venjulega og gerði mig klára .. labbaði út á stoppustöð og beið eftir strætó. Fór í skólan í fyrsta tíma var Efnafræði/líffræði... próf ! í líffræði.. ég krafsaði mig í gegnum það, nokkrir krossar sem var best við prófið og lítið að skrifa. En þetta var mjög stutt og snubbótt mjög spes.. Síðan var ítalska og ég hélt áfram að þýða bók sem ég er með og er núna að lesa og þýða texta sem er um jörðina, lengdar og breiddarbauga og tímabeltið. Síðan kom að íþrótta tíma... sem er yfirleitt tíminn sem ég hlakka til heim á íslandi en hér.. oftast nær ekki hér á ítalíu. Því kennarinn er mjög spes.. Og dagurinn í dag var aftur líkt og í gær .. samt betri :P en við fórum að gera "teygjur" og svo fórum við á blakvöllinn ég fékk að hlaupa LOKSINS !!! hahaha.. en henni finnst alltaf vera of mikið fólk þarna til að vera hlaupa.. þó það sé enginn á hlaupabrautinni.. en í dag fékk ég hana til að leyfa mér að fara að minnsta kosti einn hring. Og þetta er hlaupabraut í fullri stærð. Svo fórum við aftur upp í skóla. þá var eftir Saga og svo Arte. En í tímanum sem Art var þá fór ég í annan bekk því að ensku kennarinn minn sem er frá Kanada bað mig um að koma í þennan bekk og tala um ísland og eitthvað þannig á ensku. Svo var bara heim þegar bjallan hringdi. Borða, hlaupa í dansskólan, og þar voru stelpurnar að tala saman um það því að Laila varð 50 þann 4 mars síðastliðinn. Sem sagt danskennarinn minn.. einhver var að hugsa um að baka köku fyrir hana. svo tókum við hópmynd sem á að gefa henni. Síðan fórum við yfir æfingar úr klassíska ballettinum og svo modern-dansinn. Ég var eitthvað svo utan við mig að ég náði tæplega að vera gera 2 piruetta í dag. Fór svo bara heim. Reyndar á leiðinni kom soldið skondið atvik uppá .. konan sem býr við hliðin á okkur í næstu íbúð á hund. Hann heitir Bond (eftir James Bond ^^) Ég heilsaði henni og hun mér.. og hún spurði mig svo hvort ég gæti passað hundin hennar smá stund á meðan hún hlypi inn í apótek. (hún var stödd fyrir utan það) því hún gat ekki bundið hundin við kassan sem var þarna það var alveg ómögulegt.. Þannig að ég tók við Bond ^^ hahaha... og við biðum fyrir framan apótekið í smá stund. Þetta er svona lítill hundur. Svona minka hundur eiginlega held ég.. rosalega gæfur og góður. Síðan kom hún og tók við honum og þakkaði mér kærlega fyrir.. Og ég labbaði bara heim. fékk mér eitthvað snarl og tékkaði hvort það væri eitthvað í sjónvarpinu. Og það var mynd sem hét Scream 3 sem ég horfði á. Svo kallaði Prisca á mig og sagði að það væri kaka í eldhúsinu en hún og Melissa höfðu búið til eplaköku rosalega góða.. það er ekki oft sem Prisca bakar samt Jamm .. og svo er bara komið kvöld.. ég held að ég láti bara staðar nema hérna og láti þetta góða skýrslu í bili ^^

Ítalskar vorkveðjur Erla Góða nótt / Bouna notte